Зүрх сэтгэл буюу үхлээ үзээд босоод ирлээ гэж-3

Энд тэнд хоорондоо юмаа булаацалдан хэрэлдэж, үүнээс болж зарим нэг нь зодолдож, нэгнээсээ илүү гарах гэж улайран дээр доороо орон дайрцгааж. Тэгтэл ч тэнд нэгнээ алж, энд нэгнээ хүч хэрэглэн хүчирхийлж, эхнэр нөхөр хоорондоо хэрэлдэн томчууд эрх мэдлийн төлөө хэнийг ч үл ойшоон улайран дайрах аж.

Нэрстэй дурсамж...

Бидний хэдэн найзууд ажил амралтаа зохицуулан нэрс түүх нэрийн дор Майхант хэмээх уул руу зугаалгаар одвоо.
Хайрханы бэлд нэг жижиг гэр бөмбийлгэж нэг майхан дэрвүүлчихээд үр ашигтай амралтыг ерөөл магтаалаар мялааж эхэллээ.
Ухна Зоригоо эхнэртэйгээ 2 дөчийн бидон дүүргэхийн төлөө, Гөөхий Ганбаа гав ганцаараа 80-н хуванцар сав дээр нь нэг 10-н бидон дүүргэхийн төлөө гэхчилэн тугай түгэй үргэлжилсэн юмдаг.

Оройтсон гэмшил

Ууганаа хүйтэн шалан дээр хаалгаа налан өвдөгөө тэврэн эхэр татан өөртөө гомдон уйлан сууна. Нөхөр нь дөнгөж сая мөн л уусан архиныхаа ааг, гарын шүүсээ түүнд гаргаад хэлэх хэлэхгүй үгээр доромжлоод хаалга саван гарч одов. Ууганаа, Ачлалт хоёр ханилаад арваад жил болж байгаа хэдий ч одоог хүртэл үр хүүхэд заяасангүй.

Оройтсон гэмшил-2

Тэгтэл гай газар доороос гэгчээр жирэмсэн болсоноо саяхан мэдэж байдаг. Үзлэгийн орон дээр дээш харан эмчийн заасны дагуу хэвтэв. Ядаж байхад эрэгтэй эмч таарсанд тэрээр ичингүйрэн гараараа доодохоо дартал нөгөө эмч ууртай нь аргагүй: хийхдээ ичээгүй байж одоо юундаа ичдэг юм, алив хурдал би ардаа ажилтай хэмээн ширүүхэн дуугарав.

Дурлалын эрэлд...

Урд шөнөжин шоудаж нойр муутай яваад ирсэн Энхзаяа ширээгээ дэрлэн шүлсээ гоожуулан унтаж байтал Оюу- Эрдэнэ, Амаржаргал хоёр номын санд байгаа хүмүүсийг нүдээрээ бүртгэн шивэр авир хийлдэн инээлдэнэ.

Дурлалын эрэлд...-2

Энэ гурав энэ жил хоёрдугаар курс бөгөөд анх нэгдүгээр курст нэг ангид ороод л нөхөрлөж эхэлсэн салдаггүй шадар гурав нэртэй.
Оюу-Эрдэнэ нь: Туранхай турьхан бор охин бөгөөд, жижгэвтэр нүд түүн дээр нь зохисон хэлбэр сайтай өтгөн хөмсөг, жижиг хамар, жижиг уруул гээд яг л зурам шиг охин. Энэ хоёроосоо намхан хэдий ч энхрий, эрх байдалд нь хөвгүүд татагддаг билээ.

10 нэгжний зууч...

Сайн байцгаана уу эрхэм хүндэт сонсогчид оо!!! За ингээд манай FM-107.5 өдөр бүрийн 00.00 цагаас эхлэн явуулдаг " Уйтгарлах завгүй залуу нас нэвтрүүлэг"-ээ эхлэхэд бэлэн боллоо...хэмээгээд Болороо нэвтрүүлгээ эхэллээ. Тэрээр өвөрмөц, цоглог хоолойгоорой хөгжилдөн зууч хийсээр нэвтрүүлэг ч дуусах дөхөөд ирэв.

10 нэгжний зууч...-2

Үүнээс хэд хоногийн дараа утас нь дуугарахад авбал: Сайн байна уу би танай нэвтрүүлэгт орсон Сэргэлэн байна, би нэг охинтой танилцсан бас машин авсан. Таньд баярлалаа гэж хэлэх гээд хоолонд урьж байна

Болжмор... -1

Гадаа идэр ес эхэлчихсэн ид тачигнаж байх нь дан дулаалгатай гэрийн дотроос нэвт сонсогдоно. Хандаа охиноо оройтож байгаад гайхан хэвтэж байтал салхи татуулан хүйтэн жавар тээсээр Сувдаа хоёр гараа хооронд нь үрэн хацартаа нааж дулаацуулаад

- Тий...тий яасан хүйтэн байнаа...ээжээ таны бие зүгээр үү гэсээр ороод ирлээ.

- Ээж нь зүгээрээ, хэвтэж байгаа хүн яав л гэж. Миний охин даарсан уу, цай ч байхгүй байгаа байх даа. Гэхтэй зэрэгцэн дүү нь

- Эгч ээ даараад, өлсөөд байна хэмээн хажуунаас нь зүүгдэж авав. Сувдаа гадуур хувцасаа тайлангаа ам нь хуурайгүй сэргэлэн дуугаар

- Энэ Мөнгөө хаачихсан юм бэ. Байхгүй хооронд хань болоод байж байхгүй алга болчих юм

- Эгч нь усанд явсан одоо хүртэл алга, амьтан хүнд шоглуулж яваа биш байгаа

- Хэн л шоглов гэж, сайн дураараа хүмүүсийн зарц хийгээд явж байгаа биз

- Эгчийгээ юунд тэгдэг юм миний охин. Чи л өмөөрөхгүй бол өөр эгчийг нь гэх хүн байхгүй шүү

- За ойлголоо ээжээ. Өнөөдөр ямар хоол идмээр байна. Өвөө юу ч яахав гэж байсан, маргааш өвөөгийн цалин буухаар жаахан идэх юм авъя даа. Би хоёр шуудай нүүрс зарсан, гялс дэлгүүр гүйгээд ирье. Тэгээд таны дуртай пүнтүүзтэй хуурга хийж өгнөө. Тэрээр гал түлж гэрээ дулаацуулчихаад хажуугийн дэлгүүрлүү шурхийн гүйлээ. Дүүдээ жижиг савтай витафитын жүүс авч, өөртөө нэг шоколад аван нэг оройны хоолны юм цуглуулаад буцаад гэрлүүгээ гүйв. Дүү нь эгчийнхээ өгсөн ундааг хараад баярлан хүзүүдэн тэвэрч

- Эгчээ би чамд хайлтай...гэж шулганан онгирч байхыг нь хараад дүүгээ өхөөрдөн үнсээд гал дээр цай үүлээ. Аравхан настай охиноо ийнхүү аль хэдийн насанд хүрсэн хүн шиг бүхнийг зохицуулж байхыг хараад Хандаа өөрийн эрхгүй нулимс дуслуулан өнгөрсөнөө бодон чимээгүй бодолд дарагдав. Тэгтэл ч Мөнгөө хэмээх том охин нь инээд алдсаар ороод ирэхэд Сувдаа том хүн шиг загнан

- Чи хаагуур тэнээд алга болчихдог юм. Ээж дүү хоёрыг гал хөс ч үгүй орхиод, маргааш хамт явж нүүрс түүгээрэй, гэртээ байж чадахгүй бол өвөө бид хоёрт нэмэр болоодох гэхэд төрөлхийн сэтгэцийн өвчтэй охин нь инээн толгой дохиж харагдана.

Болжмор-2

Хандаа бусдын л адил эрүүл саруул сайхан явсан. Бусдаас ялгараад байхгүй ч сургуулиа төгсөн Барилгын техникумд орж үе тэнгийн олон залуустай бужигналдан явж байхдаа хайр дурлал, гэнэн томоогүйрхэл зэргийг амсч билээ. Тэрээр эргэн дурсахыг ч хүсдэггүй өнгөрсөн амьдрал нь яагаад гэнэт ийнхүү бодогдох болсоныг гайхан гурван хүүхдээ нүд гүйлгэн ээлжлэн ширтэж байтал

- Ээжээ хоолоо ид хэмээн Сувдаа аягатай хоол, халуун цай барин өмнө нь суув. Аманд нь цай халбагдан уулгаад, араас нь хоол өгөх жаахан охиноо хараад энэ охиноо нэг сургуулийн бараа харуулчихвал ч овоо сэргэлэн юмсан. Муу охин минь л энэ гэрийг авч явж байна даа. Арваадхан насанд чинь ийм хүнд ачаа үүрүүлж буй ээжийгээ уучлаарай хэмээн бодохын сацуу хоолой дээр нь бүлх шиг юм тээглэхэд хахаж цацав. Сувдаа сандран нурууг нь зөөлөн цохиж өгөөд

- Ээж ээ та зүгээр үү...нээрээ би шөнө ёстой гоё зүүд зүүдэлсэн. Та хөл дээрээ босчихсон надад хоёр гараараа чихэр өгч байтал Жижгээ булаагаад авчихлаа гэж...хэмээн нүд нь очтон хүүхдийн гэнэн төрхөөр хөгжилтэй инээхэд Хандаа өөрийн эрхгүй уйлж орхив. Сувдаа ээжийгээ уйлуулсандаа өөрийгөө буруутган яах учраа олохгүй халтар гараараа нулимсыг нь арчиж өгөөд

- Ээж ээ, энэ мах нь хатуу байна уу, маргааш өвөөгийн цалин буухаар сайхан хонины мах авч таньд гурилтай хоол хийж өгнө за

- Зүгээр ээ...миний охины хоол ёстой сайхан амттай болсон байна. Ээж нь болсон, өөрөө хоолоо ид гээд буцан хэвтлээ. Бага дүү нь нусаа шоржигнотол татан пүнтүүзийг нэг нэгээр нь амандаа хийн тоглож байхыг хараад

- Жижгээ наад хоолоо зүгээр ид, хэзээ идэх юмаараа тоглож байсан юм...хэмээн хээв нэг загнах нь түүний залуу насыг өөрийн эрхгүй санагдуулхад Хандаа нулимс тогтсон нүдээрээ өөрийн эрхгүй инээмсэглэв. Мөнгөө ээжийнхээ инээмсэглэж буйг хараад Сувдааг цохин даган инээхэд Сувдаа ч инээж бага дүү нь учрыг нь ололгүй нөгөө хэдээ даган хөөрөн инээлээ.

Миний ганц дайсан... -1

Нас минь ид омоглон идэр насандаа явна. Энэ нэг новшийн дайсан мэдээ орсон цагаас минь намайг дагасан. Хэзээ ч салахгүй дагах юм биш байгаа. Үгүй ээ би хүсэхгүй байна. Би чамаас залхаж байна. Гучаад жил хангалттай чамтай тэмцсэн, эвлэрч, аргадаж, аашилж, зөрүүдэлж, уйлж, сөгдөж, бусдаас тусламж эрж хүртэл ганцхан чамтай л би тэмцсээр ирсэн.

Чи намайг дийлэхгүй, чиний өмнө би сөхрөхгүй, хэзээ ч шүү. Чи намайг ялан дийлнэ гэж бодож байна уу үгүй ээ санасаны чинь гарз. Тэгэхдээ чиний ачаар, чамайг ялан дийлэхийн тулд би явж ирсэн. Тиймдээ ч би үргэлж бүхний манлай байсан. Гэвч эцсийн эцэст энэ бүхэн хэнд юунд хэрэгтэй юм. Би одоо чамаас залхаж байна. Чи өөрөө явахыг хүсэхгүй бол би чамайг явуулна. Тиймээ чи надад олон шалгуур өгсөн. Тэр бүхнийг чинь би даван туулсан. Давж гараад эргэж хараад чамайг басамжилдаг байсан. Тэгсэн ч гэсэн чи цөхрөхгүй намайг дагах юмаа тэ. Дага дага...чи залхахгүй бол би залхахгүй тэмцэх л болно.

Айлын ганц хүүхэд болгож төрүүлсэн чинь чиний хамгийн том шалгуур бөгөөд шийтгэл байсан. Дараа нь би шилдэг сурагч, оны шилдэг хүүхэд, шилдэг оюутан, ээж аавын ачлалт сайн охин...хүн бүрийн хүсээд хүрч чаддаггүй бүхэнд би хүрдэг байсан. Энэ бүхнийг зөвхөн чамд харуулах гэж, чамайг ялан дийлэх гэж махран зүтгэдэг байсан. Одоо би сөхрөөгүй ч залхаж байна. Сүүлчийн удаа омог бардамналаа уландаа гишгэн би чамаас гуйя. Намайг мөрөөр минь орхиоч новшын ганц дайсан ГАНЦААРДАЛ минь...

Энэ ханхай гэрт ганцаараа байсаар залхаж байна. Дүүгээ харж халамжилж түүнтэйгээ тоглохыг хүссэн чи надаа өгөөгүй...Сайн найзтай байж үерхэл нөхөрлөл, гэнэн томоогүй хайр дурлал, алив бүхнээ юу ч санаж бодохгүй ярихыг хүссэн чи надад бас л өгөөгүй...

Ариухан анхны хайрыг харин чи надад өгсөн гутамшигтайгаар, аймшиггүй буцааж авсан...би бас л сөхрөөгүй. Бүгд намайг тэнгэрт тултал магтаж, бүгд надаас ямар нэг ашигтай зүйлийг л харж байсан...Яагаад!!!

Яагаад гэдгийг мэдэх үү хэтэрхий зожиг, ганцаардмал байдал бүгдийг надаас холтгосон. Энэ бүхэнд чи л намайг дагаж байснаас буруутай. Одоо бол үгүй...Энэ чинь юу болоод сэтгэл тогтохгүй байнаа, юм ирэх гэж байгаа юмуу, юу билээ хугацаа нь өнгөрчихлүү. Үгүй дээ өнгөрсөн байлаа ч надад тийм боломж гараагүй шүү дээ. Би чамайг үзэн ядахын хэрээр чамтай тэмцээд хамт байгаад байх юм. Магад хэтэрхий олон жил үргэлж хамт байсаар дасчихсан юм болов уу. Үгүй үгүй...дайсантайгаа эвлэрч болох ч тэр нь чи бүү байг. Би сэтгэл дүүрэн амьдармаар байна. Өдий болтол зүтгэсэний минь шагнал ердөө л чи миний хажууд насаар минь байх гэж үү. Үгүй дээ хонгор минь. Тэгэхдээ л баяр болгоноор би чамайг бүр илүүтэй үзэн ядах юм. Ер нь гадагшаа гарах уу. Заяаны хань зам дээр гэдэг. Тэгье байз нүүрээ будаад, хувцасаа солиод гудамжаар зүгээр л жаргалтай багаа өмсөөд алхая. Тэгж болохгүй юм байна, тэгвэл бүгд намайг жаргалтай хүүхэн байна гээд инээмсэглээд л өнгөрнө. Тэгвэл ганхирсан харц гаргах уу?

Үгүй бас л болохгүй, бүгд намайг өрөвдөн харах болно...тэгээд, тэгээд би яах ёстой юм бэ. Ямар ч байсан зүгээр л гаръя. Юу ч бодохгүй юу ч хүсэхгүй зүгээр л гадагшлъя. Ийнхүү бодоод тэрээр гэнэт ухаан орон гар нүүрээ угаахаар угаалгын өрөөнд орвол дээд айлаас нь ус алдсан байх нь тэр.

Миний ганц дайсан...-2

Аа новш энэ л дутаж гэнэ. Хоёр дахь удаагаа боллоо. Одоо хангалттай. Тэрээр дээд айлдаа очин хаалгийг нь тогшвол жаахан охин хэн бэ хэмээгээд хариулт хүлээлгүй хаалгаа онгойлох нь тэр. Сайн муу, айдас түгшүүр юуг ч ялгахгүй тэнэгхэн гэнэн охин минь дээ...

Зүрх сэтгэл буюу үхлээ үзээд босоод ирлээ гэж-3

Энд тэнд хоорондоо юмаа булаацалдан хэрэлдэж, үүнээс болж зарим нэг нь зодолдож, нэгнээсээ илүү гарах гэж улайран дээр доороо орон дайрцгааж. Тэгтэл ч тэнд нэгнээ алж, энд нэгнээ хүч хэрэглэн хүчирхийлж, эхнэр нөхөр хоорондоо хэрэлдэн томчууд эрх мэдлийн төлөө хэнийг ч үл ойшоон улайран дайрах аж.

Зүрх сэтгэл буюу үхлээ үзээд босоод ирлээ гэж-2

Зүрх сэтгэл

Би зурагт харан сууж байснаа гэнэт тамхи татмаар санагдан үзтэл аль хэдийн дуусчхаж. Хэдий татахгүй гээд авахгүй байсан ч юу дуудсан юм бүр бодогдоод болдоггүй. Гарч дэлгүүр орлоо. Тамхи авдаг дэлгүүрлүүгээ явахын оронд яагаад ч юм цаашаа давхисаар нэгэн том дэлгүүрийн урд машинаа зогсоов.

Зүрх сэтгэл буюу үхлээ үзээд босоод ирлээ гэж-1

Би урд шөнөжингөө хар дарж зүүдэллээ. Босохыг хүссэн, сэрэхийг хүссэн ч чадахгүй тэгэхдээ аймшигтай хар дараад. Энэ чинь зүүд шүү дээ, болий гэж бодоод арайхийн сэрээд буцаад хэвтлээ. Хамаг хөлс цутгачхаж. Тэгээд нойрондоо дийлдэн унттал дахиад л өөрөө хар дарж, би бүр хашхираад нэг шөнө нэг л хар даруул болно ш дээ.....

Үнэндээ би сэрсэн биш зүүднээс зүүдэнд шилжсэн болтой. Дахиад л би хар дарсан...энэ удаагийнх бүр аймшигтай байсан, яг л энэ үед сэрэхийг ямар ихээр хүсэж байсан гэж бодно. Би гараа энгэр дээрээ зөрүүлээд өөрийнхөө унтаж байгааг хараад байдаг. Миний царай мааш тайван хоёр гараа энгэр дээрээ зөрүүлээд, уруул минь үл ялиг инээмсэглээд унтаж байгаа би хэзээ ч дахин босч ирэхгүйгээр унтаж, харин өөр нэг чи өөрийнхөө биеийг харж байна гэж зүүдлээд би уйлаад л байсан...охиноо нэг ч удаа болов үнсэж чадалгүй, ээж аавдаа ганцхан удаа ч үнсүүлж амжилгүй, хайртай чамдаа тэгтлээ хүссэн байж энгэрт чинь ч тэврүүлж амжилгүй ингээд явчихлаа гэж үү. Намайг ингээд чимээгүй унтаад үхээдөгснийг хэзээ та нар минь мэдэх бол гэж бодохоос л гол харлаад. Би амьдралд дэндүү хоргодож байсан. Намайг хараад сууж байгаа би ингээд л уйлаад байсан. Нэг мэдсэн чинь ээж минь инээмсэглээд хүрч ирж дэргэд минь суулаа. Миний ээж инээмсэглээд хажууд суугаад хацрыг минь илээд, энгэр дээр зөрүүлсэн байсан гарыг зөөлөн аваад атгасан. Юу ч хэлэхгүй намайг үнсээд, хацрыг минь илж нулимсыг минь арчиж өгөөд. Би аажмаар биеэ тавирч байгааг мэдэрсэн юм. Ээж буцаад яваад өгсөн...харин би ээжээ дахиад жаахан суучих л даа гээд орилтол сэрчихсэн.

Тэгсэн манай эмээ намайг дуудаад босоод очиход хөл гуйвлаад өрөөсөн нүдээ нээн дуудсан уу гээд очсон чинь

- Чи зүгээр үү, зөндөө удаан ориллоо гээд

- Би зүгээр ээ...уучлаарай сонссонгүй гэтэл

- Үгүй ээ би чамайг нэг л дуудсан, чи харин өрөөнөөсөө орилоод байсан гэж авдын...хайн. Тэгээд л эмээгээ бие засуулчхаад буцаад унтсан нэг зүүд зүүдлээд. Тэр тэгэхдээ тийм аймаар байгаагүй яг л кино шиг байсан. Харин өглөө дуусгаагүй босоод ирсэн юм. Ажлаадуусгачхаад шөнө олигтой унтаагүй хүн жаахан дуг хийтэл нөгөө шөнийн зүүдээ үргэлжлүүлж зүүдлээд дуусгадаг байш дээ.

Тэгээд л бяцхан өгүүллэг болгомоор санагдчихлаа...хайн оршил нь ямар ч их болчихоов дээ.

Хүлээсээн...

<!--[if !supportLists]-->- <!--[endif]-->- Тамираа...Тамираа чи тэрийг хараа

<!--[if !supportLists]-->- - <!--[endif]--> Алийг вэ би хардаггүй ээ...

санаандгүй учрал үргэлжлэл

Амгаа хэд хэдэн удаа уулзах санал тавихад чадаагүй тэрээр өчигдөр яагаад ч юм зөвшөөрчихөж билээ.

Санаандгүй учрал

- Сайн уу сайхан амарсан уу?

- Сайхан амарсан

- Юу хийж байна даа, өнөөдөр орой уулзах хэвээрээ биз дээ

- Хэхэ...төлөвлөөгүй ажил гарчихгүй бол хэвээрээ

- За тэгвэл долоон цагт болзсон гарзаа хүлээж байя

- За...би найз охинтойгоо очвол болох уу

- Би найз залуугаа дагуулаад очвол чамд ямар байхуу

- Мммм....за за хоёулахнаа уулзая. Цээгий утсаа таслаад бодолд дарагдав. Одоогоос найман сарын өмнө дугаар андуурагдан нэгэн залуу мессеж бичиж билээ. Зуны өдөр хийх юмгүй уйдангүй байсан тэрээр яагаад ч юм тогломоор санагдаад хариу бичтэл тэр дор нь хариу ирэв. Анхандаа нэг л танил мэт санагдаад хэн нэгэн танил нь өөрөөр нь тоглож байна хэмээн хариу бичсээр нилээдгүй хэд хонов. Тэгтэл тэрээр сониуч зан нь хөдлөн ээжийнхээ утаснаас залгаад үзтэл утсаа авсан тэр хоолойг сонсоод бараг л дуу алдчихсангүй билээ. Тэр хоолойг сонсоод нүдэндээ дүрийг нь ургуулан бодоход бүх талаараа түүний хүсч хайж байсан сайхан залуу төсөөлөгдөн бууна. Анхандаа нэг их ач холбогдол өгөхгүй байснаа түүний ухаалаг бөгөөд хөгжилтэй яриа, хүнгэсэн хүдэр хоолойд өдөр өдрөөр дасч байгаагаа мэдэв. Хаана ажилладаг, юу хийдэгийг нь ч мэдэхгүй ч тэрээр яагаад ч юм итгэн бас чиг хүлээсээр... Тэрээр нэг ч удаа Цээгийгээс чи ямар хүүхэн бэ гэж асууж байсангүй. Үүнд баярладаг ч бас чиг эргэлзэх аж. Цээгий жаахан мяраалагдуу болохоор асуух вий гэж дотроо багагүй шаналдаг ч нөгөөх нь нэг ч удаа асууж байсангүй. Тэгэхээр нь заримдаа худлаа ч юм болов уу, би ер нь хүний тоглоом болж байгаа юм биш байгаа хэмээн хаширлавч хүлээсээр.